موضوع: شرود وعتب .. شعر ابو الحب الثلاثاء 12 يناير 2010 - 13:40
شردت "عتب" و الحس خـلاني خلــــف الشرود المُتْعِب الجـاني
و طول الطريق و تعبة المشوار أتجــــرد من الحس خـــــــــلاني
كانت عتب عالتـــــل مشعل نــار يهدي الشريد و يسعف العـــاني
راحت و رحـــــنا و الأمل ختيار و العمر صار يكر خلـــــــــفاني
من بعــــد ما كنا ورود زغــــار نشوف الحــياة بــورد نيـساني
كبرنا و لقينا هالدهـــر جبــــار بنمر نحـــــــنا و عمرنــا فاني
العنــــوان وديتــــــو بلا أسرار و إهمال شــــفتو من قلب تاني
وكل شي معي من بوحها تـذكار كلمة" أنا بحــــــبك يا شعباني"
يا مضيع عــــيوني و را لأفكار ما بخاف بعد اليــــــوم تنساني
أنت و أنا و كل البــــــشر زوار و درب العمر بالهم ملـــــــياني
أنت و أنا و أهل الفــكر كــــفار و بعدو هدى الإيــمان ع لساني
كلمة و بمعبدنا الهــــوى بيندار و بيجمع همومــك و احــــزاني
لا.. لا .. انت مش متلـــنا بالكار جبار اقــــوى و فكرك الـــــباني
يا ما رفع معـــــنا زوايا الـــدار تا صار "بيت الشعر" يلـقـــاني
اعمل عزيمة و اعـــزم الشعار و اشرب نخب" كفري و ايماني"
و بكره ع درب العمر روح نهار و درب الهـوى ما بيختــفى عــنا و يلي بيسبق ينــــطر الــــــتاني
=======
و اليوم الها تلاتي بس:
ما بحب شكوى قولها ع مسمعك و لما بتحكي همس قلبي بيسمعك بعلمي ما بدك لا حبيب و لا هوى و ليش حتى تاخــــذي قلبي معك؟
***** خاص
يا حلوي الكـــــــلك رقــــــــــــه دقــــــــــلك قلــبي دقـــــــــــــــه ع الـــورقـه ارســــــــميلي قلب و حــــــطي اســـمك سهم الحب و اسمي اكتبي عالورقــــــــــــه
********
اعـــــــــــــذريني ع قلبي قسيت و هــــواكي و الله مــــــا نسيت بعـمري حــبك ما ودعـــــــــــت بــدو يبكيـني و ما بكــــــــــــيت
======= حكمة عمك أبو الحب:
حبيت عن اخلاص محبـوبك جـــفاك و إن جيت حتى تعاتبو بيحكي بقفاك كلمه قلت بعد المتل ما قــــــــــالها ما اسهلك يا حب و الصعب بوفـاك