أبو الحب

نبض الحب في كلمات
 
الرئيسيةاليوميةس .و .جبحـثالأعضاءالمجموعاتالتسجيلدخول
توقيت المنتدى
توقيت كندا
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المواضيع الأخيرة
» جموح العواطف .. شعر ابو الحب
الثلاثاء 4 ديسمبر 2012 - 0:19 من طرف أبو الحب

» هبي يا عواصف ، شعر : ابو الحب و نزار نصير
الثلاثاء 3 أبريل 2012 - 23:12 من طرف أبو الحب

» امي ، شعر : شعراء الصومعه
الثلاثاء 3 أبريل 2012 - 23:01 من طرف أبو الحب

» يا سارق العنوان ، شعر : أبو الحب
الثلاثاء 3 أبريل 2012 - 22:40 من طرف أبو الحب

» انصفيني يا ليالي ، شعر نزار نصير
الثلاثاء 3 أبريل 2012 - 22:30 من طرف أبو الحب

» لا تزعل يا ابو طارق (2) ، شعر ابو الحب
الجمعة 24 فبراير 2012 - 0:04 من طرف أبو الحب

» لا تزعل يا ابو طارق (1)، شعر ابو الحب
السبت 18 فبراير 2012 - 11:43 من طرف أبو الحب

» اليوم متل الأمس، شعر: ابو الحب
الأربعاء 15 فبراير 2012 - 23:59 من طرف أبو الحب

» حرب يا بو طارق ، شعر ابو الحرب
الأربعاء 15 فبراير 2012 - 23:50 من طرف أبو الحب

احصائيات
هذا المنتدى يتوفر على 15 عُضو.
آخر عُضو مُسجل هو Boukhlikhil Hammouda فمرحباً به.

أعضاؤنا قدموا 473 مساهمة في هذا المنتدى في 472 موضوع

شاطر | 
 

 بدء الحب ابتداء الوجع ...شعر ابو الحب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أبو الحب
Admin
avatar

المساهمات : 474
تاريخ التسجيل : 10/11/2009

مُساهمةموضوع: بدء الحب ابتداء الوجع ...شعر ابو الحب   الإثنين 1 فبراير 2010 - 12:30





بوادر الحب

يا ناس صار العمر مايـل ع الغـروب
مسكين يللي بالهــــوى قــلبـو وقـــع

بـــدو دوا للصبر أو خلطـــــة حــبوب
حتى قـــــــبالو الــــورد يتــمايل دلــع

أعزب الدهر بقيت عاصي ع الدروب
و "يمكن أنا حبيت " لكن مـا سـطـع

وجه الحبيبة و بعد ما شاف الطـيوب
و"يمكن هوى بخيال"وجهو ما لـمع

حتى نسيم الشوق يبـــــدا بالهـــبوب
بـــــدو الحبيبة تطـــــل تا يبدا الـولـع

وقــد الوجع ما يروح من هاك القلوب
بيظل جوا القلب في شـــويــة وجــــع

******
و ابتدأ الوجـــع..!!

مسـكين قلبي (إذا) حبيت يا أخـــــوان
و زهوة شبابي انتهت مع بدء لوعـاتي
بشفق ع حــالي إذا بمشي متل سكران
مْتعْــــتـَعْ و أدفن بكــتر الهم بســـماتي

مرتاح كـنت و لحــالي بالعمــر فرحـان
رنــدح بشعري و مع الأشعار سهراتي
خيالي رفيقي وما شفتو ضامر وقلقان
و من دون كاس الخمر يسكر ع أبياتي

امرح ع كيفي اذا من حالتي قــــرفـان
بْنَكِت ع حالي وع نفسي بقــول نهـفاتي
اضحك ع حالي أنا وعم دندن الالحان
من حيث أهل القلـم و الشعر رفـــقـاتي

ما كان عندي هموم و لا كنـت حــيران
و يسهر بعيني الحلم في عـز غفــواتي
الوقت الصرفتو ملل ما بحسبوخسران
كنت سافر ع كـــيفي بكـل رحــــــــلاتي

ندمان قالـت يا أعــزب!؟لأ مش ندمـان
بسـؤال امي ابتـدت تقــــــلق على ذاتي
حاجي يا اعزب يا مهمل يا ولد تلـفــان
اختار العروس و بلا ما تزيد وجـعـاتي

مقضي حياتك مثل ما بيرقصو العمـيان
عايش لحــــــالك انت سبـبت حسراتي
وليلى الشقية تساعـدها قـوم ياكسلان
دمعات امك يا ســلفي مـثل دمعـــــاتي

و بليـــــل أعمى لحالي ما كنـت نعسان
موجة خـــيالي ابتدت تمشي في دماتي
وحسيت نهر الهوى في مهجتي جريان
يغني بمسيرو لهيب الشوق جــــــواتي


ولما ع دربي وقع سمرا من الأغـصان
بعـــــــدو جناها طــــــري قلتلها هــاتي
الطيف بخيالي سحرني و فيَّـق الأجفان
هنيت حـــــــــالي و قلت يا سعد ليلاتي

و مرت ليالي الهــــــنا ع جنينة الخلان
و حسيت كل الـــــــدني مرتع لنجـماتي
وما عرفت اقرأ الغيري بدفتر النسوان
و ما عرفت بعد الفرح بالعمر شــو آتي

و عجقة تساؤل و غيري شَعَـلتْ بركان
و بدها القصيده و عن الكلمات إثـباتي
و انو لغـــيرا أنا ما أكتـــــــب القصدان
من حيث هيي الحبيبه بكل آهــــــــاتي

لوين رايح ؟ و جــــــــايي انت يا فــنان
و من هيي الحكــــــيتا بوقت غيـباتي ؟
حسيت حالي بسجن و خـــــيالها سجان
و شاعر تا ابقى طليق و حـــر بالأفـكار
عفت الحـــــــــريم و نهيت اليوم آخـاتي

=======
حكمة عمك أبو الحب:

تــــــــــا يبقى بالك مـرتاح
و عايش عم تكتب قصدان
تعلـــــق بجنون الأريــــاح
و لا تتعـــــلق بالنســــوان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://abo-al7ob.ibda3.org
 
بدء الحب ابتداء الوجع ...شعر ابو الحب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أبو الحب :: شعر الغزل والحب-
انتقل الى: