أبو الحب

نبض الحب في كلمات
 
الرئيسيةاليوميةس .و .جبحـثالأعضاءالمجموعاتالتسجيلدخول
توقيت المنتدى
توقيت كندا
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المواضيع الأخيرة
» جموح العواطف .. شعر ابو الحب
الثلاثاء 4 ديسمبر 2012 - 0:19 من طرف أبو الحب

» هبي يا عواصف ، شعر : ابو الحب و نزار نصير
الثلاثاء 3 أبريل 2012 - 23:12 من طرف أبو الحب

» امي ، شعر : شعراء الصومعه
الثلاثاء 3 أبريل 2012 - 23:01 من طرف أبو الحب

» يا سارق العنوان ، شعر : أبو الحب
الثلاثاء 3 أبريل 2012 - 22:40 من طرف أبو الحب

» انصفيني يا ليالي ، شعر نزار نصير
الثلاثاء 3 أبريل 2012 - 22:30 من طرف أبو الحب

» لا تزعل يا ابو طارق (2) ، شعر ابو الحب
الجمعة 24 فبراير 2012 - 0:04 من طرف أبو الحب

» لا تزعل يا ابو طارق (1)، شعر ابو الحب
السبت 18 فبراير 2012 - 11:43 من طرف أبو الحب

» اليوم متل الأمس، شعر: ابو الحب
الأربعاء 15 فبراير 2012 - 23:59 من طرف أبو الحب

» حرب يا بو طارق ، شعر ابو الحرب
الأربعاء 15 فبراير 2012 - 23:50 من طرف أبو الحب

احصائيات
هذا المنتدى يتوفر على 15 عُضو.
آخر عُضو مُسجل هو Boukhlikhil Hammouda فمرحباً به.

أعضاؤنا قدموا 473 مساهمة في هذا المنتدى في 472 موضوع

شاطر | 
 

 نهار وليل مباراة بين ابو الحب ونزار نصير

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أبو الحب
Admin
avatar

المساهمات : 474
تاريخ التسجيل : 10/11/2009

مُساهمةموضوع: نهار وليل مباراة بين ابو الحب ونزار نصير   السبت 13 فبراير 2010 - 0:22








نهار و ليل: مباراة بين أبو الحب و نزار نصير

في سهرة الصومعة بدأ تنفيذ مخطط مشبوه "مؤامرة نسوان" ، السيدة لبيبه سكرتيرة تحرير مجلة" الوطن" شوهدت "توشوش" السيده ليلى الحسن ، و فجأة انتحت ليلى بزوجها مالك دقائق، و عادت و معها دفين لتقول :

يا بو الحب و يا نـــــزار
بدنا حرب و شعر و نــار
عاصم حب عيون السود
و نزار نهـارو أنـــــــوار

و الموضوع نهار و ليل ، ابيض و اسود

نزار مفتتحاً بقصيد:

أنا سيف البلاغــــــه و رمح زيني
بـــــــــــدي عين صقر قـبال عيني

و بمــــــــــيزان الشعر و الالمعيه
حطــــــــو عـــــــين در قبال عيني

يا بو الحب لا تمحي الحـــــــــميه
و تعـــــــمل حالــك الرمح الرُدَيني

أنـــــــــــــــا قيــدوم كل الأشـبهيه
و عِلْقِــــــت حرب ما بينك و بيني

وما فيك اليوم بين صبح و عشيه
بدرهــــــم شعر تــوفي عليك ديني

أنا و نايـــــــــــم على مخده هنيه
بــــــــــوعى بين فيني و بين فيني

الحرب هيي مجـــــالي و القضيه
نُـصَيري و ما حـدا وسوس بذيني

خوض الحرب في عزم الفوارس
الحرب ما بـــــدها زنودك الهيني

****
أبو الحب مفتتحاُ بقصيد :

انصفو بو الحب يا أعلى المراجـع
إذا غــــنـّى قصيـدو من المواجـــع

عطـــــيت الشـعر معـــنى بالتحـدي
و بساح المعركـــه ما كنت خاضـع

و نـــزار نـّْصيْر صمـم ع التعــــدي
يا ريتو ظــل خانــع في المضاجـع

يا ريتو ظـــــل نايم عالمخــــــــدي
يشوف الحلـــم مش قاشع وسامـع

اجاني بعقــــل أعمى و قال بــــدي
خـــوض الحرب و الميـدان واسـع

ضحكت و قلت بـــــدي خصم نـدي
لخوض الحرب في عـندو دوافـــع

و أنت للحرب مـــــا جهزت عــدي
وسعف النخل مش متل المدافــــع

الحرب بالرمح خوض اليوم ضدي
و احبس دمع عينك في المــــدامع

الأبيض خــــوذ يا سيف المصـدي
و علــــم اسود تا حِــد عليك رافع

و لا تقشع بالحلـم ورد المنــــــدي
حليـــبك كان مــــاصل زوم راضع

و رح وديك ع ديـــــــــــار التردي
إذا ما كنـــــــت لـ بو الحب طائــع

وبو طارق (غول) يندب ع شـبابك
إذا ما كان في عــــــــــندو مــوانع

نزار معنـّى:

طل النهار و قـال يا شمس اطلعي
و تا تشبعي من النور فيي تطلعي
معروف عني صرت شاعر المعي
بترجم خيالي بالوعي و باللاوعي
و مهما تغيبي صار ليكي مرجعي
كلما ندهــتك صوبنا جدي السعي
بعرف عيونك دشرت ليل الضرير
تا تكملي بهالعمر أيامــــــــك معي








أبو الحب ، معنـّى:

سامع كلامك متل قرقــعة الحجـار
و شعرك متل سيارتك بدها غــيار
نزار حاجي تزيد عالطبخه بهـــار
من كتر ما ملّحــــتْ نشفت البحار
نسيان انو الليل لعــــــيوبك ستار
و العــتم اسود صار للحلوه خمار
و بالليل حتى يلمعو نجوم و قـمار
بدهــــم عتم مسدول ع داير مــدار
ما بدهــم نهارك و لا كـــتر الحكي
و لولا سواد اللـيل ما طلع النهار

نزار:

نسيت النهار مفتح اللـيل الضرير
والصيف منو فالش بساطو الوثير
و عتمات كانونك ببرد و زمهـرير
بيذكرو الانسان باليــــــــوم الأخير
نهاري طلع والفجر ع اجمل سرير
وعى الغفا والحلم عشرشف حرير
ليلك قبع بالصوف غطي هالملاك
لكن نهــــاري بيرسم عيون الأثـير

أبو الحب:

تأدب معي و النفس في معـروفـهـا
و كلمتـــــك بالحبر عاشـو حروفها
يا مقلق عـيون العــــذارى شوفـها
لا تفتكرهــــــــــا مرحبي بضيوفها
هيـــدي العيون الذابحــه بسيوفـها
المتلك زعجها ومرتمي ع كفـوفها
نفسك قبيحه وهاربــه من شفوفها
وكتب الجهل لا تحط فـوق رفـوفها
عين الكحيلي ما شفت فيها النهـار
و لولا سواد العــــــين ما بتشوفها

نزار:

لولا بياض الوجه قلبـــك ما انبهر
و لولا بياض الثلج ما بتقشع اثـر
أحلى سـواد بعيـن بتشوفـو البشر
هيــــــدا سواد بيخدعك فيه النظر
شوف الحقيقه ظاهــرة بالمختصر
و الحق فيها منبني و سيفو شهر
و العتم بيخبي الحقيقه يا فـــــلان
ولولا نهاري كيف بتشوف الصور

أبو الحب:

أبيض الثلج بزمهريــرو ملوعـين
و سيارتك ما دارت و حظك لعين
و لولا سواد النفـط كنـّا مُجْــَبرين
لا كهربا و بالتلــــج نبقى مجلدين
يا لــيل يللي بينطـــروك العاشقين
يا جامع قلوب العذارى المًغرمـين
صدقت حالك في جوابــك يا فطين
و نســيت للأسرار ليلــك شو أمين
قطـــر الندى بالليل لو كـنو ضنين
بتستقبلو شفاف الورود الحالمـين
وبيكرهو نهارك عندما ما تقطــفـو
و تاخـذ اللمعــة مثل كل المجرمين

نزار:

نهاري بيجي عخدود هالورد البري
تا يمسح الدمعه عن الخـــد الطري
لا تعــــــدني مجرم و تعمل عبقري
وع نــور عينيِ انت حاجي تفـتري
جايي بحناني من حــرارة مصدري
دفي ورد يا ليل عجـــنابك عِــــري
حتى يظـــــــــل القلب مصدر حبها
خايف من لْيالي البــرد تا يهــتري

أبو الحب:

سمعنا كلامــك صار بــدنا ترجـمان
يفسر، يترجـم كل سوء من اللسان
شكلك غلط،حكيك غلط يا جهل بان
الفحــم اسود بالبرد دفـّـى الحِسان
بالعتم قلبك عايش و عقــلك كمـان
مخبي حنين و فطنتو بأضيق مكان
جوات صدرك عتم و مخبي حـنـان
وجوات عقلك عتم مش قاري بيان
ويا مفتري عالعتم ما بتربح رهـان
و ما فــيك تتحدى البلاغة و البيان
بثوب القضاة الأسود العــدل انبرى
الالماس من عتم المناجم يا فـــلان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://abo-al7ob.ibda3.org
 
نهار وليل مباراة بين ابو الحب ونزار نصير
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أبو الحب :: أوراق ملونة-
انتقل الى: