أبو الحب

نبض الحب في كلمات
 
الرئيسيةاليوميةس .و .جبحـثالأعضاءالمجموعاتالتسجيلدخول
توقيت المنتدى
توقيت كندا
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المواضيع الأخيرة
» جموح العواطف .. شعر ابو الحب
الثلاثاء 4 ديسمبر 2012 - 0:19 من طرف أبو الحب

» هبي يا عواصف ، شعر : ابو الحب و نزار نصير
الثلاثاء 3 أبريل 2012 - 23:12 من طرف أبو الحب

» امي ، شعر : شعراء الصومعه
الثلاثاء 3 أبريل 2012 - 23:01 من طرف أبو الحب

» يا سارق العنوان ، شعر : أبو الحب
الثلاثاء 3 أبريل 2012 - 22:40 من طرف أبو الحب

» انصفيني يا ليالي ، شعر نزار نصير
الثلاثاء 3 أبريل 2012 - 22:30 من طرف أبو الحب

» لا تزعل يا ابو طارق (2) ، شعر ابو الحب
الجمعة 24 فبراير 2012 - 0:04 من طرف أبو الحب

» لا تزعل يا ابو طارق (1)، شعر ابو الحب
السبت 18 فبراير 2012 - 11:43 من طرف أبو الحب

» اليوم متل الأمس، شعر: ابو الحب
الأربعاء 15 فبراير 2012 - 23:59 من طرف أبو الحب

» حرب يا بو طارق ، شعر ابو الحرب
الأربعاء 15 فبراير 2012 - 23:50 من طرف أبو الحب

احصائيات
هذا المنتدى يتوفر على 15 عُضو.
آخر عُضو مُسجل هو Boukhlikhil Hammouda فمرحباً به.

أعضاؤنا قدموا 473 مساهمة في هذا المنتدى في 472 موضوع

شاطر | 
 

 رد افتراضي على الشاعره رتاج ...شعراء لصومعه

اذهب الى الأسفل 
كاتب الموضوعرسالة
أبو الحب
Admin
avatar

المساهمات : 474
تاريخ التسجيل : 10/11/2009

مُساهمةموضوع: رد افتراضي على الشاعره رتاج ...شعراء لصومعه   الثلاثاء 2 مارس 2010 - 12:48







كتبت الزميلة رتاج قصيدة: = حبيب القلب ملني انتظاري = ، و وجدنا فيها مادة غنية للحوار ، و سواء كانت القصيدة متخيلة أو من شعر الواقع فهي = بوح فتاة شرقية = و ما تعانيه الفتاة في بعض مجتمعنا ، فالى الرد الحواري :

رأي ليلى الحسن بفكرة قصيدة رتاج :

سئمتُ من لعبِ دورِ الطِّفلةِ الصغيرةْ
المحاطةُ بنفوسٍ إستملاكيَّةْ
لأَنَّ عُيونـــــنا حينَ حُجِبَتْ
نعـــــتوها بالعُيونِ المثاليَّةْ
العيونُ الحُرة والجَــــريئـةْ
صادرتـْها أحكام عُـــــرفيةْ

لا تلـوموني
ولا تظُــنـوا
أني فــــــــــتاةٌ عِــدائيــــةْ
أنـا لا أُعــــبِّرُ سِـوى عنْ
هـواجسِ فـتاة شرقــــيةْ

=====
و نقول:

روقي و هَــدِّي البال

أبو الحب:

يا ناطــره عالوعـد من قـلب الحبيب
الــدمع ما بينفع معــو طـب و طبيب

روقي و هـدِّي الــبال بـدها استطبار
و بهـيـك حاله ما نفـع دمع و نحيب

شو بيعمل المغــــــروم مل الانتـظار
(بينفخ لبن محروق تمو من الحليب)

شفتي نجوم الظهر في وضح النهار
و يللي انتظر عالوعد في ليلو كئيب

بالقلب نـــــارك و بقلب محبوب نار
وبيناتهم شفت الفرج صبحو قـريب

وللشوق قلبك صار محكوم بحصـار
وقلبو بنار الشوق مكـــوي باللهيب

بيبـقى التمني في الو عـنا اعــــتبار
و الليـل مهما اسْـوَدْ واصل للمشيب

الحب دربـــو طــويل ما في اختصار
غيبة حبيب القلب نغـــــــمة عندليب

و مهما تغرب بالـدني و بالكـون دار
بيرجع لعنـــــدك قبل ما يحل المغيب

قلتي فرار من الهــــــــوى ايا فــرار
لوين؟
كيف؟
و ليش هالفكر الغـريب

قلبو الك يا مهجــتو صاير مـــــــزار
بتعــــــطي اشاره بيفهم العقل اللبيب

جناحــك قــوي بالضيم ضد الانكسار
و الوهـــــــم قاتل اتركي قلبك مجيب

و الطير مهما بالفــــضا عــلا و طار
بيرجع لعشو و جايب النسرين طِـيب

الحب نعمه و ليش عِـنـَّا عــار صـار
و الناس قالو الحب للقلب الرحــــيب

يا ململي الآهـــــــــات خلّي الجــلنار
يعشق الفل بدوحـــــة الورد الرطيب

و ما زال قـــلبك بالهوى حبك اخـتار
جدي السعي بالحب بتــنالي النصيب

ولا تيأسي المحبوب راجع عالديـــار
رجعـة حبيب القلب تا يصير الخطيب

وخلي الأمل لا تسدلي علـــيه الستار
و لا يكون قلبك بالوهــم حبو عجيب

*****
مالك شعبان:

ما مل قلب الانتـظار و لا الحنـــــين
يا تـــاركي عالخـــد دمعــات الانـين
مر الفــــــراق كتير صعب بكل حين
و عالعهد بعدو محافظ و قلبو امين
و مهما نكابد شوقنا بتــبقى السنين
تشد قــــــــلبو و قلبك بحـبو المتين
و حتى يزول من القلب كل الالـــــم
لا بد من خطـــوة وفا صوب اليقين

نزار نصير:

كفكفي دمع الالم خلِّـــي الخــــدود
تبقى بحلاها متل زهــرات الورود
عرفنا الأمل هوي التمني بالوجود
و يللي ضميرو حي مابيقبل نكـود
قلبو ملاذك و العـــقل بلش شرود
و النار لعبت بالحشايا بـــلا خمود
و يللي بيقـلك مش مبالي بالحبيب
بيكون قلبو من صخر حب الجمود

وسيم جبر:

مين قال انو الحب آخرتـــو دمـــار
و الحب أسس كون مشهود العمار
و لولا وجود الحب شـــــفنا اندثار
و العار باللي بالهوى بيحط عــــار
و الروح لولا الحب عانت احتضار
بنفقد حنين الروح وبنحصد مضار
شرط يبقى الحـــر مرتاح الضمير
و الفشل بالتجربــــــة مش انكسار

هايل اشتي:

الحب همسة روح و بقلبك صدى
و نسمات ود تروح لآخـــر مـدى
ويا هموم قلبي شو عـدا مما بـدا
حتى الخليقه عيونهـا صارو عِـدا
بآدم و حوا الكون أولتــــــو ابتدا
كان الهوى بالأمس و بيبقى غـدا
ولوما يكون الحـب بقـلوب البشر
بتفنى الخليقه وما رح بيبقى حدا

زياد أبو لطيف :

يا ململي الدمعات عن خــد النضير
ما بتعرفي جنون الهوى كافر كتير
و الحب ما عــندو كبير و لا ضغير
لا فلسفة ســـــقراط أو حكمة جرير
الحب بيخلي الجــــــــوارح تستعير
همسه و بسمه من قفير على قفـير
حتى النحل تجني البشر منو العسل
و الحب ما عــــــندو غني يما فقير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://abo-al7ob.ibda3.org
 
رد افتراضي على الشاعره رتاج ...شعراء لصومعه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أبو الحب :: أوراق ملونة-
انتقل الى: