أبو الحب

نبض الحب في كلمات
 
الرئيسيةاليوميةس .و .جبحـثالأعضاءالمجموعاتالتسجيلدخول
توقيت المنتدى
توقيت كندا
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المواضيع الأخيرة
» جموح العواطف .. شعر ابو الحب
الثلاثاء 4 ديسمبر 2012 - 0:19 من طرف أبو الحب

» هبي يا عواصف ، شعر : ابو الحب و نزار نصير
الثلاثاء 3 أبريل 2012 - 23:12 من طرف أبو الحب

» امي ، شعر : شعراء الصومعه
الثلاثاء 3 أبريل 2012 - 23:01 من طرف أبو الحب

» يا سارق العنوان ، شعر : أبو الحب
الثلاثاء 3 أبريل 2012 - 22:40 من طرف أبو الحب

» انصفيني يا ليالي ، شعر نزار نصير
الثلاثاء 3 أبريل 2012 - 22:30 من طرف أبو الحب

» لا تزعل يا ابو طارق (2) ، شعر ابو الحب
الجمعة 24 فبراير 2012 - 0:04 من طرف أبو الحب

» لا تزعل يا ابو طارق (1)، شعر ابو الحب
السبت 18 فبراير 2012 - 11:43 من طرف أبو الحب

» اليوم متل الأمس، شعر: ابو الحب
الأربعاء 15 فبراير 2012 - 23:59 من طرف أبو الحب

» حرب يا بو طارق ، شعر ابو الحرب
الأربعاء 15 فبراير 2012 - 23:50 من طرف أبو الحب

احصائيات
هذا المنتدى يتوفر على 15 عُضو.
آخر عُضو مُسجل هو Boukhlikhil Hammouda فمرحباً به.

أعضاؤنا قدموا 473 مساهمة في هذا المنتدى في 472 موضوع

شاطر | 
 

 من القلب لكم ... شعر ابو الحب

اذهب الى الأسفل 
كاتب الموضوعرسالة
أبو الحب
Admin
avatar

المساهمات : 474
تاريخ التسجيل : 10/11/2009

مُساهمةموضوع: من القلب لكم ... شعر ابو الحب   الأحد 13 يونيو 2010 - 14:32







من القلب لكم ،

الشاعرة غادة الشرق

يا غـــــادة الشرق المزين بالحسان
للعقد انتي مزيني حـــــبوب الجُمان
كلماتك بتكتب ع صفحــــات القلوب
لطفــك غمرني بالصداقه و بالحنان
ولما بشعرك عطر فاح من الطـيوب
صار الوتر غاشي على نغـمة كـمان
بدرك بدنيا الشعرما بيعرف شـحوب
ومن فكرك الصافي لمع أجـمل بيان

الحبوبه مجدولين صافي

يا زغــيرة البيت اللي صافي منبعو
عيونك بأوصاف البـــــراءه بيلمعو
انت اميرة و تــــاج أحلامــــك غني
المتلك على عـــرش القلوب تربعو
انت يا زهــــــرة بين وردات الدني
همساتك علـيها الطــــــيور تسمعو
كلماتـــــــك عـــليها المحبه بتنبني
وصارو قوافي الشعر حالن يقشعو

الشاعرة سمر العزب :

لما بأجمـل ليــــــل حبــــــــينا السمر
سهرو سوى العينين و عيون القـمر
حلـــــوه الطبيعه كانت و كان الربيع
ينقي الزهور وتلبس الزهوه الشجر
من كلمتك حسيت بالــــــذوق الرفيع
وفيكي اللطافه ظاهرة بأجمل صور
انشا الله اله الكون خالقــــنا السميع
يخلي الوفـــــــا دايم بقاموس البشر

و تحية لجميع الأحبة :

(ردو التحـــيه بمثلها ) و خــلو السلام
قــــال النبي علية الصلا و أفضل سلام

تا يضل في نفحــــة وفــــا بيــن البشر
و حتى المحبه تــــدوم مـــا بين الأنـام

مش رح بنــــوفي حـــقــكم بالمختصر
مهـما كتــبنا و بالـــوفـا فاضو القــلام

(دنــيا كمالي) من صداقـــــــتكم صُوَّر
و (الحاج لطفي) فارس بايــدو الزمام

(بارود) نــور الحرف عالكــون انتشر
و من( كاترينا) الزهـــــر فتـَّح بالكمام

و( نشأت العيسه) بتنتشي منو الفِــكّر
و (ميرنا )شـــمعات تضوي ع الرخام

صارت (منال) تضيف ع لحـن الوتـر
ويعزف(الجرنوسي) نغم عالي المقام

صولة (عمر هـباش) و بمجــد العمر
تغنى (أبو طارق) بأمجــــــــاد العظام

و( نعمت) بانعام المزايــــا و الــدرر
(همسة) نــقاء النفس في بيت الكرام

و( خوله )بمجــد الاسم للحـق انتصر
وكلمة(رجب)أطيب من شفار الحسام

من (جوزفين) الفكر بتشوفو انسحر
و (ميسون) درة تاج ما بتقبل ظـلام

و طلت (أفين) جبينها طافـــــح بِشر
وكلمة(حنين الروح) همسه وابتسام

(غاده و لينه) بالكرم حاكـــو (سمر)
و الكم يا أهل الشعر منـَّــــا الاحترام

انتو رفـــــاقي و فيكم العقـــل افتخر
و خفــــقات قلبي منكم بتشبع هــيام

و (دنيا الرأي ) يا بيتنا عزك ظهـــر
بيرتاح قلبي فيك مع هــــــدل الحمام

(بالصومعه) انتو صدى وأجمل خبر
و أهل الكرم ع طول في الْهُم عــلام

كل أخت و اخ منكــــــــــــم مُــــعتبر
وبنظل عيلي واحــده بواحـة وئـــام

=====
من القلب ، بكم اعتز و لكم الف شكر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://abo-al7ob.ibda3.org
 
من القلب لكم ... شعر ابو الحب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أبو الحب :: أوراق ملونة-
انتقل الى: