أبو الحب

نبض الحب في كلمات
 
الرئيسيةاليوميةس .و .جبحـثالأعضاءالمجموعاتالتسجيلدخول
توقيت المنتدى
توقيت كندا
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المواضيع الأخيرة
» جموح العواطف .. شعر ابو الحب
الثلاثاء 4 ديسمبر 2012 - 0:19 من طرف أبو الحب

» هبي يا عواصف ، شعر : ابو الحب و نزار نصير
الثلاثاء 3 أبريل 2012 - 23:12 من طرف أبو الحب

» امي ، شعر : شعراء الصومعه
الثلاثاء 3 أبريل 2012 - 23:01 من طرف أبو الحب

» يا سارق العنوان ، شعر : أبو الحب
الثلاثاء 3 أبريل 2012 - 22:40 من طرف أبو الحب

» انصفيني يا ليالي ، شعر نزار نصير
الثلاثاء 3 أبريل 2012 - 22:30 من طرف أبو الحب

» لا تزعل يا ابو طارق (2) ، شعر ابو الحب
الجمعة 24 فبراير 2012 - 0:04 من طرف أبو الحب

» لا تزعل يا ابو طارق (1)، شعر ابو الحب
السبت 18 فبراير 2012 - 11:43 من طرف أبو الحب

» اليوم متل الأمس، شعر: ابو الحب
الأربعاء 15 فبراير 2012 - 23:59 من طرف أبو الحب

» حرب يا بو طارق ، شعر ابو الحرب
الأربعاء 15 فبراير 2012 - 23:50 من طرف أبو الحب

احصائيات
هذا المنتدى يتوفر على 15 عُضو.
آخر عُضو مُسجل هو Boukhlikhil Hammouda فمرحباً به.

أعضاؤنا قدموا 473 مساهمة في هذا المنتدى في 472 موضوع

شاطر | 
 

 طبع النسوان .. شعر ابو الحب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أبو الحب
Admin
avatar

المساهمات : 474
تاريخ التسجيل : 10/11/2009

مُساهمةموضوع: طبع النسوان .. شعر ابو الحب   الأحد 25 يوليو 2010 - 1:00






طبع النسوان

(اذا كان لا بد من مغازلة حوا فليكن على طريقتي)
" مشحر"
مطلع :

قلت الغيري قتـَّالي
قالت ما بغار
ومن كلمـه بموالي
بتشعل نـــار

هو :

طبع النسوان الغيري
و الغيري هموم
بتعملها ورطه كبيره
و آدم مظـــــلوم
لو قاعد عالحصيري
بتقلو قــــــــوم
مين القاصد بالسيري
بفقــرة اشعار!؟

هي :

بالغيري عـم تتهمني
و خافي الاسباب
و كنت بحب تطمني
من دون عــتاب
ما بتذكرني بتحرمني
و بتسد البــــاب
بحب الصبر تعــلمني
و ما بعـود بغار

هو :

العبسه بعينيكِ بلوي
و اعلان الحرب
و زنودِك صارت تلوي
ع راسي ضرب
و ان قلتلك ما بتسوي
ميي للشـــــرب
بلسانِك لحمي بتكوي
و بالعين شرار

هي :

عـم تتمسكن يا عاني
و عامل مسكين
و انت العا قلبي جاني
و ناسي تخمين
ما بشوفـك مني داني
بتهدي الحلـوين
من ايدك يا متـــفاني
هــــــدية ازهـار

هو:

يا عاصم الله يعــينـــك
على البلـــوات
شب و صرت بتشرينك
من الســــــتات
اللي صايــر بمحبينك
من زمن فـــات
ما تعلمتو بســــــنينك
عايــش بشحار

======
الوزن: موشح زجلي

*****
قصيد:


يا "حوا "اسمعيني و اعذريني
الحقيقه بقولها و لا تواخذيني

ما في انسان ما عرف الحقيقه
همِّـك تحــــتويني، و تقهريني

بتاريخ البشر كـــــنتي العريقه
من ضلوعي طـلعتي تغـــدريني

جــــدي آدم باسهل طـــــــريقه
" بتفاحه " غـويتي مش بتيني

مع الشيطان بالخطوه الرشيقه
مشيتي و (بالوفـا) عـم تقنعيني

و ( دليله ) متلك بذات الطبيقه
على (شمشوم) في ليل السكيني

واذا باسطورتو صرتي غريقه
ما كــــنتي لا وفيه ، و لا رزيني

البسوس الفلتت ناقــه مشيقه
على زرع البشر رامت ضغيني

و قبلي (عنتره) تلوَّع بضيقه
" عبله " ســببت قصه حزيني

و بعدو( قيس) باللجه الغميقه
بصحرا .....تشرد بحاله مهيني

وماتيلدا كانت لجونسون عشيقه
ب 67 عــــــملتها بعــــــريني

بعصام مولعه (هند) الحريقه
و انتي بنار جـــــــايي تحرقيني

(حــوا شر ) في آدم لصيقه
بتنزع دبس من صحن الطحيني

و رغم كل المآسي في حياتي
انتي مصيبتي ، وحبي و حنيني

*****
بماذا سترد "حوا" .. فلنتابع ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://abo-al7ob.ibda3.org
 
طبع النسوان .. شعر ابو الحب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أبو الحب :: أوراق ملونة-
انتقل الى: