أبو الحب

نبض الحب في كلمات
 
الرئيسيةاليوميةس .و .جبحـثالأعضاءالمجموعاتالتسجيلدخول
توقيت المنتدى
توقيت كندا
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المواضيع الأخيرة
» جموح العواطف .. شعر ابو الحب
الثلاثاء 4 ديسمبر 2012 - 0:19 من طرف أبو الحب

» هبي يا عواصف ، شعر : ابو الحب و نزار نصير
الثلاثاء 3 أبريل 2012 - 23:12 من طرف أبو الحب

» امي ، شعر : شعراء الصومعه
الثلاثاء 3 أبريل 2012 - 23:01 من طرف أبو الحب

» يا سارق العنوان ، شعر : أبو الحب
الثلاثاء 3 أبريل 2012 - 22:40 من طرف أبو الحب

» انصفيني يا ليالي ، شعر نزار نصير
الثلاثاء 3 أبريل 2012 - 22:30 من طرف أبو الحب

» لا تزعل يا ابو طارق (2) ، شعر ابو الحب
الجمعة 24 فبراير 2012 - 0:04 من طرف أبو الحب

» لا تزعل يا ابو طارق (1)، شعر ابو الحب
السبت 18 فبراير 2012 - 11:43 من طرف أبو الحب

» اليوم متل الأمس، شعر: ابو الحب
الأربعاء 15 فبراير 2012 - 23:59 من طرف أبو الحب

» حرب يا بو طارق ، شعر ابو الحرب
الأربعاء 15 فبراير 2012 - 23:50 من طرف أبو الحب

احصائيات
هذا المنتدى يتوفر على 15 عُضو.
آخر عُضو مُسجل هو Boukhlikhil Hammouda فمرحباً به.

أعضاؤنا قدموا 473 مساهمة في هذا المنتدى في 472 موضوع

شاطر | 
 

 والآخ بعد الآخ , شعر ابو الحب ..

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أبو الحب
Admin
avatar

المساهمات : 474
تاريخ التسجيل : 10/11/2009

مُساهمةموضوع: والآخ بعد الآخ , شعر ابو الحب ..   الجمعة 13 أغسطس 2010 - 15:42

و





والآخ بعد الآخ !!!


( ما بين آخ و آخ ) آخات و شجن
و الدهر ليش العمر في آخي سجن
بين الضلوع ، من الوجع تارك اثر
وياما في وعر العمر ايامي امتحن
كنت الالم اعزف على شَعر الوتر
يبكي الوتر من كتر ما بجابه محن
شموخي سنين العمر قضاها سمر
رغم المواجع غير عمري ما طحن
من عنفواني الحب ما مره انحشر
رافق رغيفي وغير جوعي ماعجن
مش للخبز جوعي ، لعينين الحبيب
جوعي لحبيب القلب يا اهل الفطن

*****

جوع القلب للحب ، هوي المشكلي
ما في طبيب بينفعو.. و لا صيدلي
الجراح قالو بمبضعو استئصل ورم
و من كتر ما طبب بشر اسمو عِلي
قلت :اسألو الجراح شي مره انغرم
و سـهر الليالي " مثل يللي مبتلي"
الجراح لو مره انغرم شاف الهرم
متل الضرير، القال : شايف دملي
يا دملة قلبي ( يا فرحه و يا سقم )
حيران وحملتِك على درب الجلجلي
رغم الالم ، كرمالِك ، حملت الالم!
و لا تحاولي أوجاع قلبي تحللي !

*****
قالو : الهوى متل الهوا مالو امان
رماد جمر و ذاب ع مرور الزمان
قلت : الهوى بالقلب حلمي بالدني
وما في حلم لوما الهوى وفر حنان
ما بتسألوني البيت كيف بينبني !؟
ولوما كان الحب ( ما في مهرجان)
ولا كان شاعر ،طاف بالجو الهني
و شردة خيالو ، تعمر لحلمو كيان
و لا كان قلبو بوهج حبو مغتني
وبالشعر سطَّر للهوى شعورو بيان
جوعان !! جوعي لعبير السوسني
و بيني وبين الولف ما في ترجمان

******
يا حبها انت الهنا ، بشرع الهوى
صامت و صوتك بالقلب يا ما دوى
سمعتك نغم صداح بالجو الرحيب
لحنك بقلبي ، كتير عالي المستوى
وتا يعبر الشاعر بشعرو أو أديب
يوصفك ، ما بيقدر ان هب الغوى
اعراض باسبابها ، عجز الطبيب
و ما في حدا (اسبابها بعلمو روى)
يا حب، يا نغمات صوت العندليب
القلب المتيم ، من هواها ما ارتوى
مسكين يللي ما لقى قلب الحبيب
منين بدو يجيب للعاشق دوا !!؟
=========
رد على الحبيب مجد ابو سرور :
قال مجد في تعليقه امس :

بعد سهرتك ارجعت بوجه تاني
بتحكي عن العدل وعن الاماني
بعد ما هجوت بنار الشعر حوا
رجعت توصف ادم انه اناني ...
لك ابو الحب ليش تراجعت اكيد خوف من جوزفين ولسانها اللاذع او خوف من السيدة ليلى السلفه الجميلة ..طيب ما انا قلت لك ياعم عاصم حوا ما في حدا قادر عليها .من الاول ان كان حلينها ودي ..وقبلنا بالمثل اللي قال ..ان حوا شر لا بد منه ..تحياتي ومحبتي لكم جميعا
و قلنا:

يا مجد بو سرور( خوفي) ما طرق
بابي انا بوجه ( الحقيقه) مشرعو
و( العدل ) شفتو قبال عينيي برق
رب الخليقه( لأجل خلقو) مشرعو
حملت (الأمانه) بقلب ما مره انغلق
عندي ضميري و العدل ما بردعو
المسألي قلبي على(جوجو) احترق
و ( لسانها) مين اللي قادر يمنعو
باني انا دشمة باطون و مش ورق
و لسانها الباطون ما بتفرق معو
وعناد ( ليلى ) لب عقلاتي اخترق
اسآل " مالك " مين قادر يقنعو
قلت يا بو الحب ( عـدَّان ) و مرق
قمصان ع قمصان ، بكره بيشقعو
و حتى نطَّري الجو و يروح القلق
استعمل لغة مش رد منو يقرقعو
مش خوف لكن في تواضع يا ملك
بيني و بينك سر ( راسي فرقعو)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://abo-al7ob.ibda3.org
 
والآخ بعد الآخ , شعر ابو الحب ..
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أبو الحب :: شعر الغزل والحب-
انتقل الى: