أبو الحب

نبض الحب في كلمات
 
الرئيسيةاليوميةس .و .جبحـثالأعضاءالمجموعاتالتسجيلدخول
توقيت المنتدى
توقيت كندا
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المواضيع الأخيرة
» جموح العواطف .. شعر ابو الحب
الثلاثاء 4 ديسمبر 2012 - 0:19 من طرف أبو الحب

» هبي يا عواصف ، شعر : ابو الحب و نزار نصير
الثلاثاء 3 أبريل 2012 - 23:12 من طرف أبو الحب

» امي ، شعر : شعراء الصومعه
الثلاثاء 3 أبريل 2012 - 23:01 من طرف أبو الحب

» يا سارق العنوان ، شعر : أبو الحب
الثلاثاء 3 أبريل 2012 - 22:40 من طرف أبو الحب

» انصفيني يا ليالي ، شعر نزار نصير
الثلاثاء 3 أبريل 2012 - 22:30 من طرف أبو الحب

» لا تزعل يا ابو طارق (2) ، شعر ابو الحب
الجمعة 24 فبراير 2012 - 0:04 من طرف أبو الحب

» لا تزعل يا ابو طارق (1)، شعر ابو الحب
السبت 18 فبراير 2012 - 11:43 من طرف أبو الحب

» اليوم متل الأمس، شعر: ابو الحب
الأربعاء 15 فبراير 2012 - 23:59 من طرف أبو الحب

» حرب يا بو طارق ، شعر ابو الحرب
الأربعاء 15 فبراير 2012 - 23:50 من طرف أبو الحب

احصائيات
هذا المنتدى يتوفر على 15 عُضو.
آخر عُضو مُسجل هو Boukhlikhil Hammouda فمرحباً به.

أعضاؤنا قدموا 473 مساهمة في هذا المنتدى في 472 موضوع

شاطر | 
 

 احكي بلا دموع .. شعر ابو الحب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أبو الحب
Admin
avatar

المساهمات : 474
تاريخ التسجيل : 10/11/2009

مُساهمةموضوع: احكي بلا دموع .. شعر ابو الحب    الإثنين 16 أغسطس 2010 - 0:43

ا




لكذبة البيضاء!!؟


صار اللي صار و زاد في قلبك ولوع
وروحـك ع هـمه رح تبلش بالطـلوع

طلبتي التسامح قلت بعــــــد الاعتذار
احـــكي بلسانِكْ بس ما تحكي بدموع

دمع الكـــــذب ما حط ع عقلي غـبار
و عن قراري ما رح يحتـــم رجـــوع

وحـــدا الحقيقه الصافيه إلها اعـتبار
و الكـــذب ما بيرد عن موجوع جوع

و "الكذبة البيضا" ما بتغــــير مسار
هيدي مقـــولة زَيـْــفْ بتولــــد فروع

الكذب اسود و الكـــــــذب سبب دمار
و بالحقيقه وحـــــــدها خلي الشروع

اللي قال"بيضا"كذبتو من الاحتـــقار
هـــربان ، فكّر بالكذب ضَوّا الشموع

و الموعـــــد عملتي برسم الانتــظـار
قصدك ليالي الحب حاكمها الهجـوع

لكن فــــــــؤادك بين نار و بين نـــار
عـــم ينكوي بجمرات من نار الولوع

و ما في حقيقه بتختفي بضو النهـار
و الشمس بعد الليل بتبلش ســــطوع

*****
من بعـــــــد هالنسيان بالليل الطـويل
مأكـــد حلمتي و ع الحلم نومك تقـيل

النسيان ما بيجــــوز يرسملي دروب
النســيان بين الناس من طبع البخيل

بالحب ما بينفع عــزوف و لا هروب
الممكن ما فينا نقـول عـــنو مستحيل

و مهما الحبيب يكون غافرلك ذنـوب
ما رح بيقـــبل تعـــملي غـــيرو بديل

لبستي البديل من الغـدر جملة عيوب
نسيتي الأصاله بالـــدني خير السبيل

وحدو الأصيل بيفلش عليكي الطيوب
و ما في بديل يكون بمحــــل الأصيل

و لـــما رياح الكـــذب تبدا بالهـــبوب
طيور السعاده عــــنك بتبـــدا الرحيل

لا تفكـــــري تتمرجحي بين القـــلوب
زوغ النـــوايا مش من خصال النبيل

بالكذب مهما عقــــلك يجـرب ضروب
حدك ما رح يبقى صديق و لا خلـيل

سحر العيون و كحـل لو زيّن هــدوب
و جيد النعـــــومه و نقلة القد النحيل

ما يتنفعـك بلش حبـيبك بالغـــــــروب
خسرتي الأصيل وما رح بينفع دخيل

******
رجعتي تمدي خيوط من بعد الغــياب
بتتـذرعي بأسباب و عرفتي الجواب

ما بحب اني اســـألك عـــــللي حصل
راجعي ميتين صفحـــــه من الكــتاب

تأخر عليكي الوقت و الواصل وصل
ما في لــــزوم نكرر علـيكي الخطاب

ما عاد عندي خلق"يا كيس البصل"
عاتب جنونــك حيث ما بينفع عــتاب

من انفصامك عقـــلك بسرعة انفصل
و ما عــــــاد ميزتي بعاد من القراب

ما بريد اعــــرف مين بالتــاني اتصل
حيثك حكمتي ع العلاقــــة بالخــراب

لما افتكـرتي على القلب ترمي النُصل
رحتى و رميتي عالنفـط عود الثقاب

نسيتي الكذب بيظل من سوء الخِصل
باقي ضميري بالعمر يحسب حـساب

و مازال دمك شفت في عقــلك مصل
نسيتك ما بدي نال من أجلك ثـــواب

=====
حكمة عمك أبو الحب:

تا تقضي عــــمرك مرتاح
و حــياتك لا تقضي نواح

بعمرك ما تصدق كــــذاب
و لا يغشك دمـع التمساح
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://abo-al7ob.ibda3.org
 
احكي بلا دموع .. شعر ابو الحب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أبو الحب :: شعر الغزل والحب-
انتقل الى: