أبو الحب

نبض الحب في كلمات
 
الرئيسيةاليوميةس .و .جبحـثالأعضاءالمجموعاتالتسجيلدخول
توقيت المنتدى
توقيت كندا
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المواضيع الأخيرة
» جموح العواطف .. شعر ابو الحب
الثلاثاء 4 ديسمبر 2012 - 0:19 من طرف أبو الحب

» هبي يا عواصف ، شعر : ابو الحب و نزار نصير
الثلاثاء 3 أبريل 2012 - 23:12 من طرف أبو الحب

» امي ، شعر : شعراء الصومعه
الثلاثاء 3 أبريل 2012 - 23:01 من طرف أبو الحب

» يا سارق العنوان ، شعر : أبو الحب
الثلاثاء 3 أبريل 2012 - 22:40 من طرف أبو الحب

» انصفيني يا ليالي ، شعر نزار نصير
الثلاثاء 3 أبريل 2012 - 22:30 من طرف أبو الحب

» لا تزعل يا ابو طارق (2) ، شعر ابو الحب
الجمعة 24 فبراير 2012 - 0:04 من طرف أبو الحب

» لا تزعل يا ابو طارق (1)، شعر ابو الحب
السبت 18 فبراير 2012 - 11:43 من طرف أبو الحب

» اليوم متل الأمس، شعر: ابو الحب
الأربعاء 15 فبراير 2012 - 23:59 من طرف أبو الحب

» حرب يا بو طارق ، شعر ابو الحرب
الأربعاء 15 فبراير 2012 - 23:50 من طرف أبو الحب

احصائيات
هذا المنتدى يتوفر على 15 عُضو.
آخر عُضو مُسجل هو Boukhlikhil Hammouda فمرحباً به.

أعضاؤنا قدموا 473 مساهمة في هذا المنتدى في 472 موضوع

شاطر | 
 

 زياره اولعت حرب ..ابو الحب وشعراء الصومعه

اذهب الى الأسفل 
كاتب الموضوعرسالة
أبو الحب
Admin
avatar

المساهمات : 474
تاريخ التسجيل : 10/11/2009

مُساهمةموضوع: زياره اولعت حرب ..ابو الحب وشعراء الصومعه   الأحد 29 أغسطس 2010 - 1:56







حرب شعرية في الصومعه: شعراء الصومعه

الشاعر عامر بْهَيْ جاء من كالغري وزار " الصومعة " بحضور النائب العربي اللبناني في البرلمان الكندي ( ابو قاسم) محمد عميري ، و في السهرة نشبت حرب القوافي .
و لم يكن أحد مع و ضد ، الجميع مع و ضد..و على طريقة سهرات القرى اللبنانية في القديم (الدف الدوار) و من جاء دورة حسب الجلوس يحمل الدف بيده و يغني.، و هي طريقة تعطي الشاعر فسحة وقت للارتجال.

افتتح السهرة النائب محمـد عميري ، قال:
الليله بالسهره الشــــعار
المطلوب يغـــــنو اشـعار

خلي الشعر يجاوب شـعر
و أفكار تجـــــاوب افكـار

مـــا في مع و ما في ضد
و السهـره ما فــيها حـــد
و لحتى السهـره تمتــــــد
ع الـــــدوره بيدور الدف
و الــــــدف عليـكن دوار

ابو الحب:
واجبـــــنا اكـرام الضيف
شو بــــدو ما عندي علم

بـدو السيف يقـابل سيف
يــــما جــاي بدو السلم؟

عامر بْهي مفتتحاً :
ريــاحي عاصفه و ليــــــــله رهــيبي
بثلـج ادمنتـــون العيشي كــــــــــئيبي
زكام و بــــــــــرد فيها الطقس غـادر
قطع خيـــــــــــط الموده مع حــــبيبي
فـــــــــيها بيبرد رمــــاد المجــــــامر
و انا من صحـــتي بــــــــدفع ضريبي
يا بو الحب طـــــل اليـــوم عـــــــامر
ع ساح الحـــرب لا تبــــــدا الهريبي
جــــــــاي اليوم و الجمعه مسافـــــر
على لبـــــــــــــنان تا لاقي نصــــيبي

هايل اشتاي يكمل:
و معيك ما جبت أقـــــــــلام و محابر
لحتى عــــــــلِّـمك هون الكتيــــــــبي
و اذا في شاعــر بعمرو مقــــــــامر
ضـــــــــدي بالحــــرب بــــــدو كتيبي
نــزار نصير هــــالشب المغـــــــامر
لعـــــــــندي راح بزيــــــــاره مريبي
وساكت بالفـــــرح مـا كان قـــــــادر
معي يغني و لا حـــــــــــــيا الشبيبي

أبو الحب :
الشعر لمحة خيـــــال و فكر صـافي
الشعر مـش بس أبـــــيات و قـوافي
و إذا مــا كانت اللوحـــة جميـــلي
وما فــيها انسجـام و لا لــــــطــافي
و يــــــا نايبنا عــــميري يا خـــليلي
أنا البحــــر الما بتحـــــــدو ضفافي
عــامـر شـاف موهــــــــبتو ضئيلي
دخــل ع الصومعه بكــلمة تجـــافي
بعقــــل مسطح و نـفسو العـــــليلي
مشي لسانو بشطحه من الخـرافي
يا صومعة الشعر بيـــــــت القبيلي
بتـــــــكفي مهزلة عــــامر و كافي
حقـــــد الشوك ع ورود الخـمــيلي
و غِـــــــيري عايزي بلسم الشافي

وسيم جبر يكمل ما بداه ابو الحب على نفس الوزن و القافية

النقص بالنفس مفقـــــود السليـلي
انا شعري على الأكـــــوان ضافي
ما بــذكر اسمك و شعري دلـــيلي
و لا بعطـــيك شهره من المضافي
أنا انســـــــان بالنفــس الجلـــيلي
ما رح تصعــد يا عـامر ع كــتافي
انت ســــــراج مطفي بْـــــلا فتيلي
لحتى تكون بالأخـــــــــــلاق وافي
بـــــدك حرب!! مـا بتنفـع الحــيلي
و مهمــا تكـون في قولك مجــافي

زياد ابو لطيف يكمل :
و اذا بــدك على الموجه الطويلي
معي ما بينفعــــــك عنق الزرافي
وع ساح الحرب لا تنزل عطـيلي
ولا تدعس ع زعانف شوك حافي
و على ذكـر الكـثيري و القليــلي
مهــما البهوره تكــــــــــتر عليــنا
ما فيك تكون فكــر الشعر نـــافي

مالك :

معلـومات وصلت من صحـــــابي
لعـــــنا طــــــل ابن بْـهَـي حـــابي
راح يِجَمِـِّــــع فلـــول العســـاكر
و الشــعار يعملهـــن عصـــــابي
وجمع حولو حشد ناكر و ماكـر
من الغــفار ما عــــندن إهــــابي
عصابه تجمعو بعــــــتم الدساكر
و اذا أدبتـهم مـــــا في غــــرابي
اذا بو الحب خابرهـــــــم و فاكر
بومــــه حــد بومه عل الخــرابي

نزار مكملاً ما بداه مالك:

يا تاريـــــــخ المـــنابر لا تجــاكر
نبوغ الشاعــــــــريه في كـــتابي
ما فـيهم واحــد الرحــمن شاكــر
و ع سـفرة والـــدو ما كان رابي
و يلي خـير ربــو كان نــــــــــاكر
ما رح بيكون من صفـوة حــبابي
و إذا التاريـخ بعدو شوي ذاكــر
بآخر معركــــــة ذاقو الهـــزيمـه
و صارو صفـر ممحي في كـتابي

عامر بْهَي

يا ابن نصير جايبــــــــلك هــدايـــا
شــــــــــوية شعر من عـامر عطايا
تروى و لا تزيــــــــــد الطــين بلي
كـــــــــــفاني اليوم من مالك حكايا

هايل اشتاي

ع ادمنــتـون اذا هـــــــــليت هــلي
انا البـــــدر الــــــما بتهمو الخبايا
أنا ما عرفـــت باللي صار قـــــلي
نزار نصير شــــــــو عـامل خـطايا

أبو الحب يكمل و يرد :

يا عامــر جيت تا تجمــــع الغـــلي
و كـمين عملت في عـــــتم الزوايا
انـا ع الصومعـه طلــيت طــــــلي
و حـــواري الشعر لبستن عــــبايا
و اذا هـــــــايل رأى نفسو مجــلي
أنا رح زورو ديـــــــــــار المـــنايا
و منـك بعـــــــــــد حقي ما وصلي
و مــا حبوك الشباب و لا الصبايا


وسيم جبر
و يا خيي مالك اعذرني بكـلامي
أنا عا ضعيف ما بوجـــــه سهامي
انت شاعر الك بالشعر صـــولي
و فــــزت ع عـنتره و ابن التهامي
معي تفضل و غني ألف جـــولي
أنا و يـــــاك هــامي حــد هــــامي
و ما بدي ولاد بالعركات حـولي
و ما بدي عــــامر بشعرو المكسر
يجي عالحرب ، ساح الحرب دامي

زياد ابو لطيف
أنا يــــا كالغــــري بظهــــر ودادي
إذا شاعر قــــــبالي كان شـــــادي
لكن عـامر بْهَي بضـــلالــــــــــــو
مني خـاف مــــــــــا عنــدو ارادي
ضعيف كتــير خايف من خــــيالو
و شَعرو هر، خــاف من الابــادي
معي غــنى ســـــمعت الناس قالو
ما عندو فكــــر هــــذا قول عادي

مالك شعبان
منالـــــــــو بعـــيد ما حقـق منالو
قــــلي هــــــت يا بن نْصَيْر زادي
و انا ما بحـب يتملو عــــــــــيالو
و قبل ما ادفـــــنو في كعب وادي
هـرب من ساحتي و خابت امالو
و سبح بدمعـتو و بـــلل تيــــــابو
لما صار بصفــوف الأعـــــــادي

نزار نصير:
على لبـــــــنان رايــح بالسلامه
و راشش ع تيابك عـطر شامي
تنين مجـوز و رايـــــح تــتـــلّت
شو ذنب التالته تحصـد نـــدامي
انت( مزواج) عقـلاتــــك مفلّت
بـــــــــدك بوم ما بـــدك حمامي

هايل:
أحسن روح صوب السهل شلّت
بصل ما زال صار الدق حـــامي
و اذا البنت الشريفه اليوم طلّت
ما رح تقبل بالزاجـــــه ضلامي

أبو الحب
يا ابن نصير يسـلــملي مــوديلك
يا خــايــف بالوغى فــيِّة خـيـالك
و إذا من عــامر بهي الذخــيري
الذخـيرة فاسده لا تشوف حالك
اذا ع الحرب بتجــيب العشـيري
العشيري ما بتقـــبل في شـكالك
مبـارح قلت أمرك يا أمــــــيري
انا بالحـرب واحـــد من رجــالك
وهــلق جـــيت بالنبره الخطيري
بخيوط الوهـــــم لا تجـدل حبالك

وسيم جبر يكمل و يعتب على النائب عميري:

و أنا بعتب على النائب عميري
لأنو تهــاون و شـــــايل حمالك
صرت واقع يا بو قاسم بحيري
يـــا نايبنا مقصر في مجـــــالك
ما بتشرع قانون بهيـك جـيري
ولعامر قـول ماشي ع ضلالك
حتى للشعر تحــــفـظ كيــــــانو
بــدل ما تقـــــول يسلملي دلالك

زياد ابو لطيف

بالتشريـــــــع ما قـــصّر محمــد
و لا في مجلس النواب نايـــــــم
القانون مشرع و فقـــرات عّدد
يـــــــــداوي بالمصحة كل هـايم
يا عامر هالقانون اليوم حــــدد
زوجـــــه واحده و لا تكون لايم

أبو الحب:
و اذا عقـــــــلك تسطح او تمدد
بيكفي تـــــــدعي يا بو العـزايم
ما في بوم فـــوق الغصن غرّد
ع خربه مدمره قاعـــــد و قايم
تجـــــرد من هوى نفسك تجرد
هوى نفسك بنات الناس ظـالم

=====
حكمة عمك أبو الحب:
تروى يا جـــــــوز التنـتين
و عل المستقبل فتّح عين

غيرك من قـــــــبلك جرّب
و تغسل بــــــدموع العين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://abo-al7ob.ibda3.org
 
زياره اولعت حرب ..ابو الحب وشعراء الصومعه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أبو الحب :: قصائد واشعار من الصومعه-
انتقل الى: