أبو الحب

نبض الحب في كلمات
 
الرئيسيةاليوميةس .و .جبحـثالأعضاءالمجموعاتالتسجيلدخول
توقيت المنتدى
توقيت كندا
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المواضيع الأخيرة
» جموح العواطف .. شعر ابو الحب
الثلاثاء 4 ديسمبر 2012 - 0:19 من طرف أبو الحب

» هبي يا عواصف ، شعر : ابو الحب و نزار نصير
الثلاثاء 3 أبريل 2012 - 23:12 من طرف أبو الحب

» امي ، شعر : شعراء الصومعه
الثلاثاء 3 أبريل 2012 - 23:01 من طرف أبو الحب

» يا سارق العنوان ، شعر : أبو الحب
الثلاثاء 3 أبريل 2012 - 22:40 من طرف أبو الحب

» انصفيني يا ليالي ، شعر نزار نصير
الثلاثاء 3 أبريل 2012 - 22:30 من طرف أبو الحب

» لا تزعل يا ابو طارق (2) ، شعر ابو الحب
الجمعة 24 فبراير 2012 - 0:04 من طرف أبو الحب

» لا تزعل يا ابو طارق (1)، شعر ابو الحب
السبت 18 فبراير 2012 - 11:43 من طرف أبو الحب

» اليوم متل الأمس، شعر: ابو الحب
الأربعاء 15 فبراير 2012 - 23:59 من طرف أبو الحب

» حرب يا بو طارق ، شعر ابو الحرب
الأربعاء 15 فبراير 2012 - 23:50 من طرف أبو الحب

احصائيات
هذا المنتدى يتوفر على 15 عُضو.
آخر عُضو مُسجل هو Boukhlikhil Hammouda فمرحباً به.

أعضاؤنا قدموا 473 مساهمة في هذا المنتدى في 472 موضوع

شاطر | 
 

 الى شعراء الصومعه ( ردا على تبسم ...) بقلم الشايب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أبو الحب
Admin
avatar

المساهمات : 474
تاريخ التسجيل : 10/11/2009

مُساهمةموضوع: الى شعراء الصومعه ( ردا على تبسم ...) بقلم الشايب   الأحد 26 ديسمبر 2010 - 14:19






اانت وانا ،عالحد وقفنا ،بايدينا
غصن زيتون رياني

كيف بهالمدى تظن ظنون ؟
وانا وياك من فرد انسان .

ما قلتلك يللي بقلبي- لحالو- غبون
قلبي ملان بحب رباني

وان كنت يائس وفي عيوني شجون
بتنزل على صفحات حزناني

مش هيك شكلي ولا هذي فنون
ابكي لحالي والناس فرحاني

واقرع لحالي عصدر مطعون
ودور على دمعات نشفاني .

قديش مشتاق كون عصفور
بترم الصبح يرندح غناني

وينقود عناقيد عالميسور
ويشرب نبيد شموس سكراني

قديش قلبي انا بيهدس ومشتاق
يلملم ندى بكاسات ملياني

قديش قلبي انا مشتاق عسهرات
تحيك حكايا على قناديل تعباني

ومشايخ صواتها من الوجدان
تحكي مجد ايام مضياني

قديش قلبي انا مشتاق
عصوت رعدي بالليل فلتاني

وبرق يفتح البيت ويكشف الحيطان
ومجمره عمبتنام برداني

بس القلب من هون حولو سور
واحقاد وبواريد صلياني

ايامنا بتخجل يللي راح و كان
وبتشيب من هولها الولداني

ياما على دروب الصبا المرتاح
عمرنا آمال وبنينا اماني

وما بعرف كيف سود هالأيام
قلعت القمح وزرعت زواني .

قلبي مشلع مثل غصن مركون
حطبه يابسه وثمار ذبلاني

لأني خايف من حكم مأفون
ضيع بلاد العرب هالجاني

ضيع كرامي حالها مرهون
عحفنة مصاري وعيون نسواني

في الليل فارس على تخت مسنون
وعند الصبح ارنب عينيه فزعاني

ليش هالحكام صاروا عيون
عشعوب من قهرها بكياني

نعاج في صيرة الغرب هالملعون
وسخول خايفي، من الوما جفلاني

ماني لحالي عالبكا انا مكنون
معي مواكب من ناس خيفاني

لوين هالمركب ؟ بايد مجنون
ما بعرف جزاير آمني وشطآني

في كف عتمي ما بتعرف نور
وردي وحيدي ذاويي وقلقاني

يا اهل الصومعه قلبي انا مسكون
بمزايا ما بتخجل ولا الفرساني

لحب الناس قلبي انا مرهون
وللشعر العاجنو بدمعي واجفاني
وللحياة الفاضله هالندا بيكون
مش لماخور الحكم ولا لجباني

على شبايبك القمر كنت مره بمون
يفتح لروحي مدى وعيوني سهراني

ويرشرش شوية نور عالديجور
وتنزل لحدي نجوم عشقاني

بس القلب مليان يا - بو ظنون -
احلى مافيها ،فيها تكون عمراني .

تنويه :-
يلملم ندى بكاسات ملياني ...... راجع قول السياب في قصيدة " دار جدي " ...." افيق اجمع الندى من الشجر ......... ليقتل السعال والهزال " ..... والتي مطلعها " مطفأة هي النوافذ الكثار .......... وباب جدي موصد وبيته انتظار "
كذلك ارجو وان لا اكون قد (خلخلت الوزن) ... ولكني ، اقسم باجدادي الأحياء منهم والأموات ان قلبي موزون .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://abo-al7ob.ibda3.org
 
الى شعراء الصومعه ( ردا على تبسم ...) بقلم الشايب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أبو الحب :: قالو في أبو الحب-
انتقل الى: