أبو الحب

نبض الحب في كلمات
 
الرئيسيةاليوميةس .و .جبحـثالأعضاءالمجموعاتالتسجيلدخول
توقيت المنتدى
توقيت كندا
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المواضيع الأخيرة
» جموح العواطف .. شعر ابو الحب
الثلاثاء 4 ديسمبر 2012 - 0:19 من طرف أبو الحب

» هبي يا عواصف ، شعر : ابو الحب و نزار نصير
الثلاثاء 3 أبريل 2012 - 23:12 من طرف أبو الحب

» امي ، شعر : شعراء الصومعه
الثلاثاء 3 أبريل 2012 - 23:01 من طرف أبو الحب

» يا سارق العنوان ، شعر : أبو الحب
الثلاثاء 3 أبريل 2012 - 22:40 من طرف أبو الحب

» انصفيني يا ليالي ، شعر نزار نصير
الثلاثاء 3 أبريل 2012 - 22:30 من طرف أبو الحب

» لا تزعل يا ابو طارق (2) ، شعر ابو الحب
الجمعة 24 فبراير 2012 - 0:04 من طرف أبو الحب

» لا تزعل يا ابو طارق (1)، شعر ابو الحب
السبت 18 فبراير 2012 - 11:43 من طرف أبو الحب

» اليوم متل الأمس، شعر: ابو الحب
الأربعاء 15 فبراير 2012 - 23:59 من طرف أبو الحب

» حرب يا بو طارق ، شعر ابو الحرب
الأربعاء 15 فبراير 2012 - 23:50 من طرف أبو الحب

احصائيات
هذا المنتدى يتوفر على 15 عُضو.
آخر عُضو مُسجل هو Boukhlikhil Hammouda فمرحباً به.

أعضاؤنا قدموا 473 مساهمة في هذا المنتدى في 472 موضوع

شاطر | 
 

 ميدان البطوله .. ابو الحب ونزار نصير

اذهب الى الأسفل 
كاتب الموضوعرسالة
أبو الحب
Admin
avatar

المساهمات : 474
تاريخ التسجيل : 10/11/2009

مُساهمةموضوع: ميدان البطوله .. ابو الحب ونزار نصير   الإثنين 31 أكتوبر 2011 - 0:29







ميدان البطوله

ابو الحب : قصيد


افتحوا ميدان جبهات البطولي
واذا لقيتو خصم متلي اندهولي

ما بدي خصم بالساحه مشحر
أنا بشفق على ضعف الطفولي

و نزار نصير بدو سيف عنتر
لكنو نخ من ثقل الحمولي

افتكر حالو اسد و الوبر اغبر
و نادى يا ثعالب اهتفولي !!

و قلي السيف: يا عاصم تدبر
الطفوله ضعفها متل الكهولي

و انت قيدوم بالعركات اشهر
من القعقاع بالهجمه المهولي

الحقيقه بقولها و الشعر أخبر
مفلس ما بقي عندو سيولي

اجاني و بالدمع ع الخد عبَّر
وأنا من دمعتو روحي خجولي

بحيلة بخ سمو كتير اصفر
و قلن : يا يتامى اهتفولي

وهلق للحرب عدنا يا اسمر
ما بدي قول يا ناس اشهدولي

انا بدمك رح بغسِّل ايديي
لحتى علمك كيف الرجولي

نزار (قرادي ):

ميدان الشعر بجلو
و خصمي الحبل بمدلو
وقبالي الليله بو الحب
يا تعتيرو يا ذلو

صرلي ناطر من شهرين
و بايدي سيفي البتار
حتى دمعك عَ الخدين
تذرف قدام الأنصار
يا بو الحب غراب البين
حايم فوقك مهما صار
وفّر دمعات العينين
دموعك عا ضعفك دلو

ابو الحب (قرادي):

ميدان الشعر بجلو
ان زمرلي رح طبلو
حتى الليله ابن نصير
عَ قبرو لازم دلو

يا نزار ، فتّح عينيك
ورقة نَعْيك ممهوره
بذرف دمعة حزن عليك
لما تنزل بالجوره
سيفك هالخشبه بايدك
عليك بتضحك سموره
البومه بتحوم حواليك
وع روحك أهلك صلو

نزار :

عادت ليالي الشعر عدنا للقتال
و منبر الشعار ميدان النزال
بوالحب ، لا تشمخ و لا تعقد أمال
قبالك نزار نصير يا غصن الدلال
بسأل انا اعطيني جوابك عالسؤال
بتحب سمره وحبها صعب المنال
قيس ، بالصحرا تشرد يا ذكي
و انت متلو تهت ما بين الرمال

أبو الحب:

سامع جعيرك لا تحرك اصبعك
جيب جيش يحارب الليله معك
يا نزار نصير مين ال شجعك؟
اللي دافشك للحرب بدو يخدعك
مالك بليلة شعر لما دلعك
حطك ببوز المدفع وما بينفعك
بحب اللطافه والهوى عايش معي
وما لقيت حلوه بعد تقبل تسمعك

نزار :

بيني و بينك حرب ع طول المدى
يا اصمعي غني قبالي عالهدا
السمره قالتلي حبها رايح سدى
وين الخبر يا صاحبي للمبتدى
بالمبتدى حبيت و بأمس و غدا
وصوتك بنظم الشعر يا عاصم شدا
ومتل ما بتزرع رح يكون الحصاد
وعالشوك ليش ترش قطرات الندى

أبو الحب:

رشيت عطري شعر ع احلى الورود
و بيني و بين الحب ما بقبل حدود
لكن انت في طبعك المضني حقود
بتحقد عَ وردة وبالحقد فكرك تسود
وكان الهدف خليك يا حاقد ودود
بس الحقد حاطط على طبعك قيود
وبعد التجارب و الفشل صار الهدف
" مخرزي" ازرع بعينين الحسود

نزار:

خليك رايق ليش صاير معتدي
بكار العداوه بمطلعك عم تبتدي
حبيت شوفك عالمكارم مهتدي
و" خيك نزار" بكل لهفه تفتدي
ما بحب شوفك بشرورك مقتدي
حتى ما يفرق مشهدك عن مشهدي
لكن انت طبع التشفي محاصرك
و طبع التشفي وقعك بالمصيدي

أبو الحب:

يا سمره يا عيوني يا غرامي
بدمي غل حبّك من مسامي

كتبتك شعر يا أحلى الحكايا
و مهما صار ما بذكر اسامي

يا اجمل سر يا كل المزايا
و كياني عملت لأني عصامي

و انتي بالدني جملة حنايا
ورده بين شتلات الخزامي

ونزار نصير في ساح المنايا
افتكر حالو رح بيعمل محامي

طلع مأسور و فكارو رزايا
دخل عالمعركه والراس حامي

نكرني عندما ما عطيتو عطايا
بحياتو ليش كان العين عامي

و لحتى اختم و انهي البقايا
واعطي الشاعر بشعرو علامي

بحيي رفاق عمري هالغلايا
و لبو طارق انا بهدي سلامي

بتبقي زهرتي و احلى الصبايا
بدنيا عشت فيها بالسلامي

و حبك بالقلب نعم الهدايا
وعلى صدري رح بتبقى وسامي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://abo-al7ob.ibda3.org
 
ميدان البطوله .. ابو الحب ونزار نصير
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أبو الحب :: قصائد واشعار من الصومعه-
انتقل الى: